Va Ŭkrainu z žniŭnia, paśla prezydenckich vybaraŭ, pierajechali kala 40 IT-kampanijaŭ i bolš jak 2000 frylanseraŭ ź Biełarusi. Jak paviedamili «Svabodzie» ŭ Ministerstvie ličbavaj transfarmacyi Ŭkrainy, u krainie ažyćciaŭlajecca admysłovy prajekt padtrymańnia biełaruskich specyjalistaŭ sektaru, raspracavany supolna ź IT-asacyjacyjami, Ministerstvami ekanomiki i zamiežnych spravaŭ.
Adpaviedny pakrokavy plan, jaki dazvalaje biełaruskim specyjalistam pierajechać va Ŭkrainu, padtrymlivajuć prezydent Uładzimir Zialenski i ministar ličbavaj transfarmacyi Michajła Fiodaraŭ.
Dla biełarusaŭ stvorany admysłovy sajt, na jakim možna daviedacca ab nieabchodnym dla pierajezdu pakiecie dakumentaŭ, a dla chutkaj dapamohi bieśpierapynna pracuje haračaja linija.
Kab zaachvocić biełaruskich IT-specyjalistaŭ da pierajezdu va Ŭkrainu, Ministerstva ličbavaj transfarmacyi inicyjavała zamacavańnie na zakanadaŭčym uzroŭni vybaru sproščanaj systemy padatkaabkładańnia navat biez dazvołu na časovaje abo stałaje žycharstva, a taksama mahčymaści być na terytoryi Ŭkrainy bolš za 90 dzion biez dazvołu na žycharstva.
U Ministerstvie ličbavaj transfarmacyi Ŭkrainy ŭdakładnili, što raspracoŭvajuć i takija źmieny ŭ zakanadaŭstva, jakija dazvolać biełarusam rehistravacca jak fizyčnaja asoba-pradprymalnik i ŭžo na hetaj padstavie atrymlivać dazvoł na časovaje žycharstva va Ŭkrainie.
