TASS
Bok abvinavačvańnia padčas sprečak bakoŭ u sudzie Sankt-Pieciarburha patrabuje pryznačyć 15 hadoŭ kałonii strohaha režymu historyku Alehu Sakałovu, abvinavačanamu ŭ zabojstvie aśpirantki, piša TASS.
«Pryznačyć pakarańnie šlacham častkovaha składańnia <…> u vyhladzie 15 hadoŭ pazbaŭleńnia voli strohaha režymu», — skazała prakuror, patłumačyŭšy, što pakarańnie budzie składzienaje pa artykule ab zabojstvie i za niezakonnaje zachoŭvańnie zbroi.
Sakałoŭ abvinavačvajecca ŭ zabojstvie ŭ listapadzie 2019 hoda 24-hadovaj aśpirantki Anastasii Ješčanka, ź jakoj u jaho byli blizkija adnosiny. Sakałoŭ, jak miarkujecca, zabiŭ dziaŭčynu z drobnakalibiernaha abreza, a zatym rasčlaniŭ jaje cieła i častkova paśpieŭ utapić u race Mojcy.
Sakałoŭ — viadomy rekanstruktar, jaki bahatvaryŭ Napaleona, byvaŭ na rekanstrukcyjach u Biełarusi.
