BiełTA
Kijeŭ nazvaŭ «čarhovymi insinuacyjami» słovy Alaksandra Łukašenki ab pieravozcy ŭ krainu zbroi z terytoryi Ukrainy. Pra heta ŭ Twitter napisaŭ pres-sakratar MZS Ukrainy Aleh Nikalenka, piša RBK.
«Rytoryka ab źniešnim umiašańni, u pryvatnaści, mantra ab «zbroi z Ukrainy «vyrazna ŭpisvajecca ŭ palityku Łukašenki pa zapałochvańni biełaruskaha naroda», - ličyć dypłamat.
Jon dadaŭ, što Ukraina — nie vorah Biełarusi i asudžaje lubyja prajavy teraryzmu.
Łukašenka napiaredadni zajaviŭ, što ŭdzielniki niadaŭna zatrymanaj u Biełarusi terarystyčnaj hrupy pad kiraŭnictvam Mikałaja Aŭtuchoviča ŭvozili ŭ krainu «tony zbroi» praz Ukrainu. Pavodle jaho śćviardžeńnia, jany rychtavali terakty pa ŭsioj krainie i ŭžo pačali ich ažyćciaŭlać.
0
0
0
0
0
0