Miedyja-Paleśsie
U Alšanach (Stolinski rajon) 27 śniežnia pamior Uładzimir Čynikajła. Jamu było ŭsiaho 53 hady, paviedamlaje Miedyja-Paleśsie.
Uładzimir Čynikajła byŭ preśvitaram hramady chryścijan viery jevanhielskaj (h.zn. piacidziasiatnikaŭ) u ahraharadku Alšany, samaj šmatlikaj u Biełarusi.
Sp. Uładzimir pačaŭ słužyć u miascovaj supołcy ŭ 1987 hodzie paśla słužby ŭ vojsku i zakančeńnia teałahičnaha instytuta Sajuza chryścijan viery jevanhielskaj u Minsku, dzie jon atrymaŭ śpiecyjalnaść carkoŭnaha słužyciela i vykładčyka biblejskich dyscyplin. U 2007 hodzie pryznačany dyjakanam carkvy CHVIE ŭ Alšanach, a ŭ 2010 — preśviteram. U 2018 hodzie abrany namieśnikam Jepiskapa abjadnańnia Cerkvaŭ u Bresckaj vobłaści.
Apošnija dva hady Uładzimir Alaksiejevič aktyŭna zajmaŭsia budaŭnictvam novaha Doma Malitvy. Siońniašni ŭžo daŭno nie ŭmiaščaje ŭsich členaŭ hramady. U joj naličvajecca kala 1600 darosłych i 3000 dziaciej. Novy budynak raźličany na 3000 miescaŭ i budzie samym vialikim malitoŭnym domam u Biełarusi.
