Pravasłaŭnyja rychtujucca da Rastva, kataliki śviatkujuć Try Karali

Častka pravasłaŭnaha śvietu (Rasija, Biełaruś, Ukraina, Sierbija, Hruzija) rychtujucca da śviatkavańnia Rastva, śviatočnyja słužby va ŭmovach pandemii projduć va ŭsich chramach Biełarusi siońnia i zaŭtra.

U chryscijanskaj tradycyi ličycca, što ab časie i miescy naradžeńnia Isusa Chrysta vałchvam paviedamiła Viflejemskaja zorka, jakaja ŭzyšła na niebaschile z nastupleńniem ciemry.

A katalicki śviet adznačaje siońnia, 6 studzienia, uračystaść Abjaŭleńnia, abo Troch Karaloŭ — uspamin ab padziei, kali, idučy za zorkaj, karali (mudracy) prybyli ŭ Betlejem (Viflejem), šukajučy novanarodžanaha Isusa.

Mudracy achviaravali novanarodžanamu Dziciaci svaje dary: zołata (simvał karaleŭskaj hodnaści), ładan (simvał viery ŭ Isusa jak praŭdzivaha Boha) i miru (simvał spaŭnieńnia praroctvaŭ ab prychodzie Miesii).

U hety dzień błasłaŭlajuć krejdu, ładan, zołata i vadu. Na dźviarach aśviečanych u kaściole krejdaj pišuć S+M+B+2021, dzie litary — imiony mudracoŭ (karaloŭ): Kaspar, Mielchijor i Baltazar.

Try Karali zaviaršajuć pieryjad Kaladaŭ.

0

0

0

0

0

0

Nashaniva.com