Chryścijanie usich kanfiesij z roznych rehijonaŭ Biełarusi źviarnulisia da pradstaŭnikoŭ dziaržaŭnych orhanaŭ z patrabavańniami spynić hvałt, adnavić zakonnaść i pravieści novyja prezidenckija vybary ŭ Biełarusi. Siarod padpisantaŭ — 96 śviataroŭ.
— Śviadomaje skažeńnie infarmacyi ab vynikach hałasavańnia na prezidenckich vybarach 9 žniŭnia 2020 hoda, iłžeśviedčańni ŭ sudach, dezynfarmacyja ŭ ŚMI, zahadzia niepravasudnyja rašeńni — heta nie tolki parušeńnie zakonaŭ Respubliki Biełaruś, ale i ciažki hrech. Nie chłusi, nie kažy łžyvaha śviedčańnia — heta Božaja zapaviedź, — adznačajuć aŭtary zvarotu.
Na dumku padpisantaŭ, «prymianieńnie zbroi siłavymi strukturami Biełarusi, jakoje pryviało da hibieli mirnych hramadzian, katavańni i pryčynieńnie ciažkich cialesnych paškodžańniaŭ pieraviali palityčnaje supraćstajańnie ŭ maralna-etyčnuju płoskaść. Padtrymlivać niezakonnyja dziejańni ŭładaŭ amaralna».
Siarod tych, chto padpisaŭ adkryty list chryścijan Biełarusi, 96 śviataroŭ pravasłaŭnych, katalickich, pratestanckich i hreka-katalickich cerkvaŭ.
