Bi-bi-si
Viadučy spytaŭsia, ci nie słužyć dla jaje prykładam rasijski apazicyjanier Alaksiej Navalny, jaki viarnuŭsia ŭ Rasiju, viedajučy, što jaho aryštujuć.
Śviatłana Cichanoŭskaja adznačyła, što jany znachodziacca ŭ roznych situacyjach.
«Navalny — užo palityk, i jon zajmajecca hetym nie adzin hod. Ja apynułasia ŭ hetym stanoviščy volaju losu. Ja nie płanavała stać prezidentam. I pa-druhoje, ja adčuvaju adkaznaść za dziaciej. Tamu što moj muž u turmie. A adnamu ź dziaciej patrebny asablivy dohlad. I mnie treba dvojčy padumać, pierš čym prymać rašeńnie ab viartańni ŭ Biełaruś», — skazała Cichanoŭskaja.
«A vy nie dumajecie ab viartańni? My ŭsie bačyli, jak pryjezd Navalnaha ŭ Rasiju zaradziŭ tam apazicyju. Tysiačy ludziej znoŭ vychodziać na vulicy. Kali b vy viarnulisia, heta taksama zrabiła b vialiki efiekt. Vy nie dumajecie pra heta?» — pierapytaŭ viadučy.
«Ja dumaju ab hetym. Ale ŭ Biełarusi niama zakona, i ŭ Biełarusi ŭžo šmat palityčnych źniavolenych, mnohija zatrymanyja, — skazała Cichanoŭskaja. — Navat kali ja viarnusia i mianie pasadziać u turmu, na kahości heta paŭpłyvaje — ludzi, biezumoŭna, adreahujuć.
Ale ja ŭpeŭnienaja, što zmahu zrabić našmat bolš, čym kali prosta stanu čarhovaj achviaraj i apynusia ŭ turmie. Ludzi padymucca, ja ŭpeŭnienaja, jany zachočuć abaranić mianie. Ale kali hetaha nie adbudziecca — ja budu čarhovym palityčnym źniavolenym».
