BiełTA
Premjer-ministr Raman Hałoŭčanka siońnia na VI Usiebiełaruskim narodnym schodzie raskrytykavaŭ prapanovy ekanamičnych reformaŭ, jakija pastupajuć z-za miažy, piša BiełTA.
«Vy možacie sami paraŭnać prahramu sacyjalna-ekanamičnaha raźvićcia Biełarusi na piacihodku z rekamiendacyjami, što pieryjadyčna ŭspłyvajuć, ad tearetykaŭ, jakija horača žadajuć refarmavać biełaruskuju ekanomiku pa libieralnym uzory tak zvanaha Vašynhtonskaha kansensusu, jaki davioŭ da ekanamičnaha krachu i defołtu nie adnu dziaržavu, — skazaŭ Raman Hałoŭčanka. — I nam praciahvajuć uparta padsoŭvać z-za miažy tyja ž recepty: minimizacyja roli dziaržavy ŭ ekanomicy, maštabnaja pryvatyzacyja dziaržaŭnych aktyvaŭ, adkryćcio rynku dla volnaha ŭvozu zamiežnych tavaraŭ».
Pavodle jaho słoŭ, siarod hetych prapanoŭ jość «jašče i bolš ekzatyčnyja rečy». Naprykład, raspuścić Minpram i Minžyłkamhas. «Usio heta — z tak zvanaj prahramy ekanamičnych reformaŭ samaabvieščanaha ŭrada ŭ vyhnańni», — zajaviŭ Hałoŭčanka.
