Ziemlatrus mahnitudaj 7,1 adbyłosia ŭ subotu ŭ Japonii. Pavodle nacyjanalnaha mietearałahičnaha ŭpraŭleńnia krainy, epicentr ziemlatrusu znachodziŭsia na paŭnočnym uschodzie Japonii, u rajonie prefiektury Fukusima, paviedamlajuć infarmahienctvy.
Nacyjanalnaje mietearałahičnaje ŭpraŭleńnie abviaściła pahrozu cunami, adnak padkreśliła, što niebiaśpieki razbureńniaŭ u jaho vyniku nie čakajecca. U toj ža čas pa hramadskim telebačańni krainy žycharoŭ zaklikajuć nie nabližacca da bierahavoj linii.
U Tokia ad padziemnych šturškoŭ, jakija praciahvalisia bolš za chvilinu, u pamiaškańniach padała technika, mebla, spracoŭvała avaryjnaja sistema adklučeńnia hazu ŭ damach. U ciapierašni čas padziemnyja šturški spynilisia, ale japonskija mietearołahi papiaredžvajuć ab mahčymaści afteršokaŭ.
Mahutnyja padziemnyja šturški adčuvalisia, pa mienšaj miery, u dziesiaci prefiekturach paŭnočnaj, paŭnočna-ŭschodniaj i centralnaj častak Japonii, uklučajučy Fukusimu, Mijahi i staličny rehijon, adznačajuć mietearołahi.
Infarmacyi ab situacyi na avaryjnaj AES «Fukusima-1», dzie praciahvajucca raboty pa demantažy stancyi, paciarpiełaj ad ziemlatrusu i cunami 11 sakavika 2011 hoda, na dadzieny momant nie pastupała.
Z-za ziemlatrusu prypynieny ruch chutkasnych ciahnikoŭ. Paviedamlajecca pra paciarpiełych.