Fota SK
Pavodle śledstva, abvinavačanyja zahadzia spłanavali pierakryćcio vulicy.
SK zaznačaje, što abvinavačanyja pieraškadžali ŭdzielnikam darožnaha ruchu, błakavali prajezd hramadskaha, śpiecyjalnaha i inšaha transpartu. Maładziečancaŭ abvinavačvajuć pa artykule 342 Kryminalnaha kodeksa «Aktyŭnyja dziejańni, što hruba parušajuć hramadski paradak».
Jak stała viadoma «Rehijanalnaj haziecie», heta Dźmitry Karabiejnik, Ryhor Saładoŭnikaŭ, Ihar Sidarovič, Siarhiej Sidarovič, Elina Karyćka. Karabiejnika i Saładoŭnikava pryznali viaźniami.
Jašče adnoj žančynie, što zrabiła banier, vystavili abvinavačvańnie pa dapamahańni ŭ aktyŭnych hrupavych dziejańniach, jakija hruba parušyli hramadski paradak i paciahnuli parušeńnie raboty transpartu, pry adsutnaści prykmiet bolš ciažkaha złačynstva.
Dźvie žančyny (Karyćka i 40-hadovaja žančyna) znachodziacca pad asabistym paručycielstvam, dvoje mužčyn — Sidarovičy — pad padpiskaj ab niavyjeździe. Jašče dvoje mužčyn — Karabiejnik i Saładoŭnikaŭ — pad vartaj.
