Padčas jaho doktar skazaŭ, što sam płanuje zrabić pryščepku ad karanavirusa rasijskaj vakcynaj «Sputnik V». Tut.by vybraŭ hałoŭnaje z vystupu miedyka.
Vakcyna «Sputnik V» prajšła dakliničnyja vyprabavańni, try fazy kliničnych vyprabavańniaŭ i ciapier, z ulikam jaje šyrokaha prymianieńnia, praciahvajucca postrehistracyjnyja daśledavańni. Asablivaść usich vakcyn suprać karanavirusa ŭ tym, što jany prajšli vyprabavańni za vielmi karotki čas.
Nivodnaja vakcyna jeŭrapiejskaha pachodžańnia pakul nie zarehistravanaja ŭ Biełarusi, ale, pa paviedamleńniach Ministerstva achovy zdaroŭja, u krainie mohuć być čatyry-šeść vakcyn roznaj vytvorčaści.
Pavodle infarmacyi na vynikovaj kalehii Ministerstva achovy zdaroŭja, apublikavanaj u telehram-kanale viedamstva, u Biełarusi ŭžo vakcynavana prykładna 25 tysiač čałaviek. Praktyčna ŭsie jany miedycynskija rabotniki, bo miedyki byli hrupaj pryjarytetu, jakuju pryščaplajuć u pieršuju čarhu. Jašče 40 tysiač vakcyn ciapier pastupajuć u rehijony.
Z Kitaja prybyli 100 tysiač doz vakcyn i čakajecca jašče 100 tysiač u sakaviku.
U Biełarusi budzie vyrablacca raźliŭ «Sputnik V» na mahutnaściach našych farmvytvorčaściaŭ. Čakanaja kolkaść — kala 500 tysiač doz vakcyn u miesiac.
Kali taki prahnoz apraŭdajecca, to za 12-18 miesiacaŭ možna stvaryć u krainie papulacyjny imunitet.
Ciapier skončany pieršy etap vakcynacyi miedyčnych rabotnikaŭ, ale vakcynacyja budzie praciahvacca. Pačniecca pryščepačnaja kampanija inšych hrup pryjarytetu, a heta piedahohi, rabotniki sacabsłuhoŭvańnia, a dalej zrabić pryščepku zmohuć usie žadajučyja. Kali prahnoz płanavanych abjomaŭ impartu i vytvorčaści zbudziecca, to ŭ najbližejšy miesiac nie budzie nijakich prablem atrymać vakcynu ad COVID-19.
My pieršapačatkova da «Sputnika V» stavilisia davoli stanoŭča, ale śpiecyjalistaŭ biantežyli niekatoryja pytańni, i na treciaj publikacyi ŭ časopisie The Lancet źjavilisia adkazy na hetyja pytańni.
My ličym, što «Sputnik V» — vysokaefiektyŭnaja i biaśpiečnaja vakcyna.
U Rasii zajaŭlajuć, što joju vakcynavana 1,5 młn čałaviek, u nas — 25 tysiač. Tym, chto pierachvareŭ na karanavirusnuju infiekcyju, treba pryščaplacca. Ryzyka paŭtornaha infikavańnia ŭ najbližejšyja šeść miesiacaŭ paśla chvaroby nievysokaja, ale jana bolšaja, čym u pieršyja 90 dzion paśla chvaroby. Vakcynacyja nie procipakazanaja i ŭ hetyja pieršyja 90 dzion.
Paśla vakcynacyi ad karanavirusa mohuć być reakcyi, jak i paśla inšaj pryščepki. Kali padymajecca na niekalki hadzin abo dzion tempieratura, dastatkova pić šmat vadkaści i adzin-dva razy vypić haračkapanižalny srodak.
Asnoŭny šlach pieradačy karanavirusa — pavietrana-kropielny pry ciesnym kantakcie z uzbudžalnikam. Na pavierchniach virus zachoŭvajecca niekalki hadzin.
Realnaj ličby pierachvarełych na karanavirusnuju infiekcyju dziaciej da 6 hadoŭ nie viedaje nichto va ŭsim śviecie, tamu što ŭ ich infiekcyja čaściej za ŭsio praciakaje bieśsimptomna. Z ulikam niaciažkaści zachvorvańnia dzieci daškolnaha ŭzrostu redka abśledujucca na COVID-19 i nie traplajuć u statystyku vypadkaŭ zarehistravanaj infiekcyi.
Virus źmianiajecca hienietyčna, a heta ŭpłyvaje na jaho zdolnaść raspaŭsiudžvacca i na ciažar formaŭ zachvorvańnia. Siońnia my pavinny zrazumieć, što 2021 hod projdzie jak hod pandemii, a ŭ pačatku 2022 hoda za košt peŭnaha adsotka pierachvarełych i vakcynavanych nam stanie z hetym uzbudžalnikam žyć praściej.
Postkavidny sindrom — novaja prablema. Pakul joju zajmajucca ŭsie, chto lečyć pacyjentaŭ z karanavirusnaj infiekcyjaj. Paśla chvaroby ludzi prychodziać ź nieŭrałahičnymi, imunnymi prablemami.
Tolki ja sustreŭ kala dziesiaci pacyjentaŭ, jakija chvareli na karanavirusnuju infiekcyju paŭtorna, i ŭ ich virus paćvierdžany łabaratorna.
Ale bolšaść paŭtornych zachvorvańniaŭ praciakali ŭ lohkaj formie, tolki dva vypadki — u bolš ciažkaj, i pacyjenty mieli patrebu ŭ špitalizacyi ŭ paraŭnańni ź pieršym vypadkam. Ale jany nie traplali ŭ reanimacyju.
Kali maleńkaje dzicia zachvareła na karanavirus i, majučy kliničnyja prajavy chvaroby, kantaktavała z darosłymi, to darosłyja mahli zarazicca. Za sutki-paŭtara da kliničnych simptomaŭ užo vyłučajecca virus i praciahvaje vyłučacca praź siem-vosiem dzion ad pieršych simptomaŭ.
Karanavirusnaja infiekcyja moža supravadžacca mocnym nasmarkam, choć dla kłasičnaj karciny heta nietypova.
PŁR-test na karanavirus tearetyčna moža pakazać niapravilny vynik z-za taho, što pry vialikim patoku pacyjentaŭ moža być pierabłytany ŭzor. Heta byvaje vielmi redka, i miedrabotniki šmatkroć pierapraviarajuć prabirki, kadujuć analiz u niekalkich miescach, kab nie było pamyłak.
Ale ŭsiudy jość čałaviečy faktar. U redkich vypadkach my hetaha nie vyklučajem i ŭličvajem i najaŭnaść simptomaŭ, i źmieny na zdymkach hrudnoj kletki abo možam pierapravieryć vynik testu praz testy na antyhieny i antycieły, pierarabić PCR-test. Adsutnaść simptomaŭ nie dazvalaje vyklučyć karanavirus, tamu što jość bieśsimptomnaja forma zachvorvańnia.
U reanimacyju čaściej za ŭsio traplajuć ludzi z zališniaj vahoj, cukrovym dyjabietam, pacyjenty starejšaha ŭzrostu, z roznymi formami imunadeficytu.
U druhuju chvalu pandemii stała bolš pacyjentaŭ va ŭzroście 35-50 hadoŭ, jakija chvarejuć bolš ciažka, navat nie majučy faktaraŭ ryzyki.
