«Jon byŭ narodžany dla miedycyny, vydatna vučyŭsia ŭ škole, skončyŭ jaje z załatym miedalom, pastupiŭ u Viciebski miedinstytut i skončyŭ jaho z adznakaj. Jon pracavaŭ u rajonnaj balnicy ŭ Babrujskim rajonie, pastupiŭ u śpiecardynaturu ŭ Minsku i śpiecyjalizavaŭsia pa infiekcyjnych chvarobach. Niejki čas vykładaŭ u miedinstytucie. Jon usio žyćcio vučyŭsia, klatva Hipakrata dla jaho nie prosta słovy: jon byŭ vierny joj usio svajo žyćcio, i heta mohuć paćvierdzić i kalehi, i tysiačy pacyjentaŭ. Pa žyćci jon byŭ vielmi ścipłym čałaviekam» — raspaviadaje žonka Alena Mikałajeŭna.
doctora.by
U Mikałaja Michajłaviča byŭ karanavirus, ale ci źviazany jon z pryčynaj śmierci, nieviadoma. U jaho taksama byli ciažkija chraničnyja zachvorvańni. Jaho žonka kaža, što daktary rabili ŭsio mahčymaje, kab vyratavać muža, pryciahvalisia najlepšyja śpiecyjalisty.
Mikałaj Šaŭłoŭ ličyŭsia adnym z najlepšych daktaroŭ u krainie. Jon taksama pracavaŭ u Minsku ŭ infiekcyjnaj balnicy, byŭ asistentam kafiedry infiekcyjnych chvarob Biełaruskaj miedycynskaj akademii paśladypłomnaj adukacyi, kansultavaŭ u pryvatnym miedycynskim centry.
— Jaho šmat razoŭ pryciahvali ŭ jakaści kansultanta pa sanaviacyi u roznych balnicach u roznych kutkach Biełarusi. Jon byŭ vielmi piśmiennym doktaram, — adznačaje žonka.
U 2009 hodzie Mikałaj Šaŭłoŭ u adkrytym liście jon zajaviŭ ab epidemii atypovaj pnieŭmanii ŭ Biełarusi i ab tym, što infarmacyja, jakuju davała Minzdaroŭja, nie adpaviadała rečaisnaści.
