Fota BBC
Hetyja vidy ŭžo byli viadomyja marskim bijołaham, ale heta pieršy vypadak, kali ŭ ich zaŭvažyli fienomien bijaluminiscencyi — ułaścivaści žyvych arhanizmaŭ vyłučać śviatło.
Adna ź ich, kitefinavaja akuła, źjaŭlajecca najvialikšaj chrybietnaj rybaj, jakaja śviecicca. Udoŭžki jana dasiahaje 180 santymietraŭ, piša BBC.
Bijaluminiscencyju taksama zaŭvažyli ŭ čornych kalučych akuł i ŭ paŭdniovych kalučych akuł.
Mnohija marskija žyvioły, a taksama niekatoryja nasiakomyja mohuć vyłučać ułasnaje śviatło, ale ŭpieršyniu hetuju ŭłaścivaść vyjavili ŭ bujnych akuł.
Daśledčyki ličać, što bijaluminiscencyja dapamahaje rybam schavacca ad drapiežnikaŭ ci inšych pahroz.
Bijaluminiscencyja dasiahajecca dziakujučy tysiačam fotaforaŭ (śviatłoŭtvaralnych kletak), jakija raźmiaščajucca ŭ łusce akuł.
