Urad Łatvii ŭ aŭtorak na pasiadžeńni pryniaŭ rašeńnie ab adnaŭleńni z 17 sakavika avijaznosin z trecimi krainami, jakija byli zabaronienyja z pačatku pandemii karanavirusa, u tym liku buduć dazvolenyja čartarnyja rejsy. Pra heta paviedamiŭ ministr transpartu Talis Linkajts, piša TASS.
Pry hetym zachoŭvajecca ŭmova ab zabaronie na ŭjezd u Łatviju pa nieistotnych pryčynach z trecich krain.
Mintrans Łatvii raniej vystupiŭ ź inicyjatyvaj ab adnaŭleńni mižnarodnych avijapieralotaŭ, matyvavaŭšy heta tym, što inšyja krainy, u tym liku Litva i Estonija, dazvalajuć pasažyrskija pieravozki. Tamu na praktycy žychary Łatvii jeździać u trecija krainy, vykarystoŭvajučy mahčymaści tranzitu praz susiednija dziaržavy.
Pieršy vypadak zaražeńnia karanavirusam u Łatvii byŭ zafiksavany 2 sakavika 2020 hoda, u krainie vyjaŭlena 90 997 infikavanych, 1705 čałaviek pamierli, na lačeńni ŭ balnicach znachodziacca 767 pacyjentaŭ. Vakcynacyja ad karanavirusa ŭ krainie pačałasia 28 śniežnia minułaha hoda, z tych časoŭ adnu dozu preparata atrymali 65 776 čałaviek, dźvie — 18 038.