Fota Depositphotos.com
1) Vy prymušajecie siabie rana pračynacca.
Časam hučać parady pračynacca jak maha raniej — maŭlaŭ, heta dobra ŭpłyvaje na efiektyŭnaść pracy. Adnak Krys Bejli, aŭtar viadomaj knihi «Prajekt praduktyŭnaść», z hetym nie zhodny. Pa jaho słovach, usie ludzi roznyja, i na praduktyŭnaść bolš upłyvaje nie čas, kali vy pračynajeciesia, a toje, nakolki aktyŭna vy pačynajecie pracavać kožnuju ranicu. Tamu, kali raskład pracy dazvalaje, mahčyma, varta dać sabie trochi bolš času dla snu, piša The Huffington Post.
2) Vy pačynajecie dzień z pravierki elektronnaj pošty.
Šmat ludziej pačynajuć svoj dzień z taho, što ciahnucca pa telefon i praviarajuć apošnija paviedamleńni ŭ elektronnaj paštovaj skryni, ale ekśpierty rekamiendujuć paźbiahać hetaha. Lepšy varyjant — vydatkavać čas na toje, kab pravieryć svoj kalandar, pradumać pryjarytety na dzień i skłaści płan pracy.
3) Vy nie apranajeciesia naležnym čynam.
Kali vy pracujecie doma, u vas naŭrad ci ŭźnikaje žadańnie apranać zvyčajnaje ofisnaje adzieńnie. Ale daśledavańni pakazvajuć, što akuratnaść u adzieńni i ŭ pamiaškańni pavyšaje kancentracyju. Šmat u čym heta tłumačycca simvalizmam: ofisnaje adzieńnie dapamahaje pieraklučycca na pracoŭny ład.
4) Vy prapuskajecie śniadanak i nie pjacie.
Stefani Nelsan, dyjetołah i ekśpiert mabilnaha dadatku MyFitnessPal, ličyć śniadanak važnaj častkaj ranišniaha režymu. Jana śćviardžaje, što śniadanak daje nam enierhiju, kab spraŭlacca z usim, što my zapłanavali na dzień. Što datyčyć vady, navat minimalny jaje pryjom moža palepšyć nastroj, pamiać, kancentracyju i praduktyŭnaść. Varta pasprabavać pačynać kožnuju ranicu sa šklanki vady.
5) Vy robicie šmat spraŭ adnačasova.
Eryka Zelnier, amierykanski trenier pa zdarovym ładzie žyćcia, pierakananaja, što adnačasovaja praca ź niekalkimi zadańniami moža pamienšyć praduktyŭnaść na 40%. Bolš za toje, takaja praca moža vyklikać doŭhaterminovyja niehatyŭnyja nastupstvy dla mozhu.
6) Vy nie rychtujeciesia da nastupnaha pracoŭnaha dnia ŭviečary.
Varta ŭ kancy kožnaha pracoŭnaha dnia składać śpis taho, što varta vykanać u nastupny dzień, i rychtavać raskład pracy z ulikam sustreč i nieabchodnych zvankoŭ. Jašče adzin elemient padrychtoŭki da pracy — dobry son. Niedasypańnie paharšaje našu sielektyŭnuju ŭvahu, to bok zdolnaść kancentravacca na kankretnaj spravie.
7) Vy niedaaceńvajecie spakoj.
Kali pačynać dzień z turbot, jon i projdzie takim čynam. Zamiest hetaha lepš znajści trochi času dla siabie i pravieści jaho ŭ spakoi. Dla kožnaha heta moža značyć niešta svajo: 5 chvilin miedytacyi, pavolna vypity kubak z kavaj abo prahułka z sabakam.
