Razam ź im zatrymali jašče dvuch čałaviek z Rasii. Paviedamlałasia, što ŭ ich znajšli rečy, padobnyja da psichatropaŭ.
«Usie troje znachodziacca ŭ izalatary časovaha ŭtrymańnia. Pa faktach uzbrojenaha supracivu i niezakonnaha abarotu narkotykaŭ pravodzicca pravierka, pa vynikach jakoj budzie dadziena pravavaja acenka dziejańniam», — reziumavała milicyja.
Alaksandr Kušniaroŭ
Kušniaroŭ — kiler homielskaj bandy «marozaŭcaŭ». Jamu 54 hady.
Siadzieŭ za kradziežy ŭ 1984-1992. Paśla vyzvaleńnia ŭstupiŭ u bandu «marozaŭcaŭ». Praź niekalki hadoŭ znoŭ aryštavany, u 1995 hodzie jaho prysudzili da śmiarotnaha pakarańnia za zabojstvy. Potym sud zamianiŭ prysud na 15 hod turmy, a ŭ vyniku Kušniaroŭ pa amnistyi vyjšaŭ jašče raniej, u 2008 hodzie, i pačaŭ śćviardžacca ŭ kryminalnym śviecie Biełarusi. Aproč taho, siadzieŭ u 2011, u 2012-2014.
Dyk čym skončyłasia historyja z zatrymańniem? Jak stała viadoma «Našaj Nivie» ad dźviuch nie źviazanych miž saboj krynic, Kušniaroŭ ciapier znachodzicca na svabodzie, kryminalnyja spravy suprać jaho zaviedzieny nie byli.
Infarmacyju spraŭdzić u siłavikoŭ nie ŭdałosia, tamu što ni Śledčy kamitet, ni MUS nie adkazali na zapyty.
«Kušniarovu dali sutki i ŭžo vypuścili. Nu jašče pałkami pabili trochu. Jaho ž brali nie pa formie, jon padumaŭ, što bandyty — nu a jak adroźniš? Jaho ž niadaŭna mocna pabili «kankurenty», voś jon i patłumačyŭ: dastaŭ nož, bo dumaŭ, što znoŭ napali», — skazała znajomaja ź situacyjaj krynica.
Sapraŭdy, pa źviestkach sajta «Prajm Krajm», niadaŭna Kušniarova pabili žaleznymi prutami, kali jon vyhulvaŭ z žonkaj sabaku. Pryčynaj razborak staŭ status «złodzieja», jaki aktyŭna asprečvajuć inšyja «aŭtarytety».
Nahadajem, što biełarusy praciahvajuć atrymlivać drakonaŭskija terminy pa abvinavačańniach, naprykład, u zryvie bałakłavy ź siłavika. Tak, hramadzianka Šviejcaryi Natalla Chierše atrymała za heta 2,5 hoda kałonii.
Raniej ciapierašni namieśnik ministra ŭnutranych spraŭ Mikałaj Karpiankoŭ užo kazaŭ, što «pradstaŭniki kłasičnaha kryminalitetu ciapier nie prosta trymajuć niejki niejtralitet. Jany navat viaduć bolš zakonapasłuchmiany ład žyćcia na fonie ekstremistaŭ z apazicyi».
