Raniej zahadčyk adździaleńnia reanimacyi balnicy chutkaj miedycynskaj dapamohi Uładzimir Martaŭ paviedamiŭ, što mieła miesca spynieńnie padačy kisłarodu da aparataŭ ŠVŁ, z-za čaho zahinuła niekalki čałaviek.

Čytajcie taksama: «U chirurhičnym korpusie adklučyłasia padača kisłarodu. Stali pamirać ludzi». Doktar raskazaŭ pra trahiedyju ŭ Viciebsku

Łukašenka pra situacyju z kisłarodam u Viciebsku: Kali tam palityka, to značyć treba na miesca čałavieka stavić

«Pytańnie z kisłarodam — adzin z elemientaŭ, jaki hučaŭ. Voś čamu Ministerstvam achovy zdaroŭja ŭ tym liku byli nakiravanyja vysokaha ŭzroŭniu śpiecyjalisty, jakija nie tolki acanili mahčymaść takoha incydentu, ale i ŭ cełym pahladzieli pracu balnicy. Incydent, nakolki ja razumieju, byŭ. My jašče budziem jaho razhladać bolš padrabiazna na ŭzroŭni lačebna-kantrolnaha savieta Ministerstva achovy zdaroŭja. Heta było ŭ chałodny pieryjad času, kali była nahruzka na kisłarodnuju sistemu. Ale, pa śćviardžeńni inšych śpiecyjalistaŭ, heta było karotkačasovaje padzieńnie ŭzroŭniu patoku kisłarodu, jakoje nie paŭpłyvała fatalna».

«Pa našych danych, hibiel pacyjentaŭ z hetaj situacyjaj nie była źviazana», — skazaŭ Dźmitryj Pinievič.

Pry hetym ministr adznačyŭ, što ŭstanoŭlenyja fakty niadbajnaha viadzieńnia pacyjentaŭ u adździaleńni pad kiraŭnictvam Uładzimira Martava, parušeńni sanepidrežymu, «jakija, chutčej za ŭsio, pryvodzili da ŭnutrybalničnaha zaražeńnia piersanału, u tym liku, u «čyrvonaj zonie».

Datyčna pytańnia padaŭžeńnia abo niepadaŭžeńnia kantrakta z zahadčykam adździaleńnia Dźmitryj Pinievič padkreśliŭ, što najmalnik tut prymaje rašeńnie samastojna.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?