Fota Depositphotos.com
Uździejańnie hučnaha šumu pierš za ŭsio źviazvajuć z paharšeńniem słychu. Adnak darožny šum upłyvaje nie tolki na słych. Heta adzin z najmacniejšych stresahiennych faktaraŭ, jaki vyklikaje prablemy sa zdaroŭjem, piša BBC.
Za apošniaje dziesiacihodździe było praviedziena šmat daśledavańniaŭ, jakija vyjavili, što šum ad transpartu pavyšaje ryzyku raźvićcia sardečna-sasudzistych zachvorvańniaŭ.
Prykładna treć ludziej u Jeŭropie padviarhajucca ŭździejańniu niezdarovaha ŭzroŭniu šumu. Niezdarovym ličycca šum ad 70 decybieł. Zvyčajnaja razmova, jak praviła, składaje 60 decybieł, šum ad lehkavikoŭ i hruzavikoŭ — ad 70 da 90 decybieł, a sireny i samaloty mohuć dasiahać da 120 decybieł.
Pastajannaje ŭździejańnie pavyšanaha šumu pryvodzić da prablem z sercam. Niamieckija daśledčyki praanalizavali miedycynskija źviestki bolš za miljon čałaviek i vyjavili, što tyja, chto žyvie pobač z aeraportam Frankfurta, majuć bolšuju ryzyku insultu na 7%. Navukoŭcy znajšli hetamu tłumačeńnie.
Kali šum dasiahaje mozhu, to jon aktyvizuje dźvie važnyja vobłaści — słychavuju karu i mindalepadobnaje cieła, jakoje adkazvaje za emacyjnyja reakcyi. Kali šum stanovicca hučnym, asabliva padčas snu, mindalepadobnaje cieła zapuskaje reakcyju arhanizma na baraćbu abo ŭcioki, čaho čałaviek moža nie ŭśviedamlać.
Heta reakcyja pryvodzić da vykidu adrenalinu i kartyzołu. U vyniku adny arteryi zvužajucca, inšyja pašyrajucca, pavyšajecca kryviany cisk, zapavolvajecca stravavańnie, a cukar i tłuščy zapaŭniajuć kryvatok.
Takaja kaskadnaja reakcyja na stres taksama vyklikaje ŭtvareńnie škodnych malekuł, jakija akiślajuć endatelij — adnasłojny płast kletak, jaki vyściłaje ŭnutranuju pavierchniu kryvianosnych sudzin. Hety dysfunkcyjanalny endatelij upłyvaje na kryvatok, što vyklikaje šmat parušeńniaŭ u arhaniźmie, ad jakich raźvivajucca sardečna-sasudzistyja zachvorvańni.
Daśledavańni pakazali, što endatelij pačynaje horš funkcyjanavać paśla načnoha ŭździejańnia šumu samalota na praciahu niekalkich dzion. Tamu načny šum ujaŭlaje saboj jašče bolšuju niebiaśpieku, čym dzionny.
U dakładzie SAAZ za 2018 hod adznačałasia, što jeŭrapiecy ŭ sukupnaści hublajuć 1,6 miljona hadoŭ zdarovaha žyćcia štohod praz šum darožnaha ruchu. I heta ličba, uličvajučy sučasnyja pracesy ŭrbanizacyi, budzie raści.
Daśledčyki adznačajuć, što ludzi chutka pryzvyčajvajucca da hučnaha šumu. Adnak kali vy pryvykajecie da šumu psichałahična, to heta nie značyć, što vy pazbaŭlajeciesia ad jaho niehatyŭnych nastupstvaŭ.
Tamu ekśpierty rajać vybirać bolš spakojnyja rajony dla žyćcia. Taksama mohuć dapamahčy vokny, jakija nie tak prapuskajuć šum. Maje sens vykarystoŭvać zatyčki dla vušej, asabliva padčas načnoha snu.
