spring96.org
Na sudzie 23 sakavika Dźmitryj vystupiŭ z apošnim słovam:
«Ja napisaŭ pramovu, ale brać jaje z saboj ja nie bačyŭ sensu. Tamu što navat za hetaj kletkaj liču siabie bolš svabodnym, čym mnohija ludzi, jakija siadziać tut u pahonach, u mundzirach i hetak dalej. Ja navat nie spadziajusia, što jany mianie zrazumiejuć. Mnie zastajecca tolki hanarycca tym, što ja zrabiŭ i tym, čaho nie zrabiŭ. Hanarycca tym, kim staŭ i kim nie staŭ nasupierak tamu, što mnie vystaŭlajuć. Dla mianie honar stajać u adnym šerahu z takimi ludźmi, jak Siarhiej Cichanoŭski, Śviatłana Cichanoŭskaja, Juryj Ułasaŭ, Anton Bialenski, Capkała… Ja nie ździajśniaŭ tych złačynstvaŭ, u jakich mianie abvinavačvajuć. Na hetym usio».
Zhodna z abvinavačvańniem, z 9 pa 12 žniŭnia Dźmityj Kubaraŭ zaklikaŭ ludziej u internecie i afłajn da aktyŭnaha ŭdziełu ŭ masavych biesparadkach. A taksama sam arhanizoŭvaŭ masavyja biesparadki i ŭdzielničaŭ u ich. Akramia taho, jon mieŭ namiery vyrabić «kaktejl Mołatava».
11 žniŭnia Dźmitryj byŭ žorstka zatrymany i dastaŭleny ŭ SIZA KDB. U noč z 11 na 12 žniŭnia tam ža padpisaŭ jaŭku z pavinnaj. U jaho kvatery prajšoŭ pieratrus, paśla jakoha ŭ jaho kanfiskavali rupar, miedykamienty, vodu, techniku (telefon, noŭtbuk), kanistry z rastvaralnikam i skipidar, jaki vykarystoŭvaŭsia dla ramontu kvatery. Z taho momantu (7 miesiacaŭ) jon utrymlivajecca pad vartaj. Na sudzie Dźmitryj nie pryznaŭ svaju vinu i zajaviŭ pra katavańni paśla zatrymańnia.
Prysud budzie ahučany 24 sakavika ŭ 16.40.
