spring96.org
Spravu razhledzieła sudździa Alena Kapcevič.
Ihara Rudčyka abvinavačvali u tym, što 10 žniŭnia z 22.30 da 01.00 jon udzielničaŭ u masavych biesparadkach na pierakryžavańni vulic Surhanava — Kujbyšava — Biady. Mienavita — majstravaŭ barykady, raźbiraŭ chodnikavuju plitku, uzychodziŭ na vierch barykad, biŭ pałkaj pa śmietniku, załaziŭ na aporu darožnaha znaka. Taksama — niecenzurna vykazvaŭsia i ahalaŭsia: źnimaŭ cišotku i machaŭ joj naviercie barykad.
Siarod piśmovych dokazaŭ — fotazdymki, na jakich mužčyna, padobny da Rudčyka, trymaje draŭlanuju pałku i bje pa barykadach. Da spravy dałučanyja skrynšoty z sacyjalnych sietak, naviny z raznastajnych partałaŭ. Padčas vobšuku doma ŭ palitviaźnia nie było ničoha vyniata.
Ihar Rudčyk pryznaŭ udzieł u mierapryjemstvie, padjom na barykady i toje, što jon biŭ pa im. Adnak jon nie čyniŭ pieraškod supracoŭnikam milicyi i nie ŭstaloŭvaŭ barykady. Admoviŭ Rudčyk i ŭdzieł va ŭzbrojenym napadzie. U apošnim słovie palitviazień paprasiŭ prabačeńnia za toje, što zrabiŭ.
