Biełaruski bok zavizavaŭ i pieradaŭ rasijskamu boku prajekty 26 sajuznych prahram pa intehracyi, jašče dźvie ŭ pracy. Ab hetym zajaviŭ premjer-ministr Biełarusi Raman Hałoŭčanka padčas sustrečy sa staršynioj urada Rasii Michaiłam Mišuścinym, paviedamlaje BiełTA.
«My praciahvajem pracu nad pakietam intehracyjnych dakumientaŭ. 23 krasavika my pieradali rasijskamu boku zavizavanyja biełaruskim bokam prajekty 26 sajuznych prahram. Heta vialiki abjom pracy, jaki zrabili halinovyja viedamstvy. U pracy zastajucca dźvie sajuznyja prahramy. Pa našym z vami daručeńni namieśniki kiraŭnikoŭ uradaŭ uznačalvajuć pracu i praciahvajuć kanstruktyŭnyja pieramovy pa hetaj tematycy. Upeŭnieny, što ŭsie nieabchodnyja raźviazki buduć znojdzienyja ŭ intaresach abodvuch bakoŭ», — skazaŭ Raman Hałoŭčanka.
