Pra heta paviedamiŭ BiełTA vajenny kamisar horada Mahilova i Mahiloŭskaha rajona Mikałaj Hamołka.
«U hety pieryjad budzie adpracoŭvacca paradak vykanańnia asobnych mierapryjemstvaŭ pa pieravodzie ekanomiki Mahiloŭskaj vobłaści, a taksama dziaržaŭnych orhanaŭ na pracu va ŭmovach vajennaha času», — adznačyŭ Mikałaj Hamołka.
Pavodle kamisara, mabilizacyjnyja vučeńni pravodziacca zhodna z płanam padrychtoŭki Uzbrojenych sił. Ich asnoŭnaja zadača — acanić stupień hatoŭnaści dziaržorhanaŭ, vajennych kamisaryjataŭ, arhanizacyj da vykanańnia zadańnia pa mabilizacyi nasielnictva ŭ vypadku nieabchodnaści.
«Asablivaść vučeńniaŭ u tym, što ŭ ich voźmuć udzieł padraździaleńni sił śpiecyjalnych apieracyj Uzbrojenych Sił, jakija buduć «pieraškadžać» vykanańniu pastaŭlenych zadač lubymi sposabami. Mahčymyja imitacyi zachopu budynkaŭ, źniščeńnia abjektaŭ infrastruktury transpartu i suviazi. Akramia taho, nie vyklučana mahčymaść vykarystańnia vybuchovych pakietaŭ, śviatłošumavych hranat, chałastych patronaŭ i inšych śpiecyjalnych srodkaŭ», — padkreśliŭ M. Hamołka.
«Ničoha nadzvyčajnaha ŭ hetych vučeńniach niama. Praz takija vučeńni ŭžo prachodzili asobnyja rehijony krainy. U hetym ža hodzie płan padrychtoŭki Uzbrojenych sił praduhledžvaje praviadzieńnie mabilizacyjnych vučeńniaŭ u našaj vobłaści», — adznačyŭ Mikałaj Hamołka.