Pa słovach pradstaŭnika SAAZ, doktara Devida Nabara, nie varta spadziavacca na toje, što virus źniknie dziakujučy vakcynam abo lekam.
«Ludziam pryjdziecca navučycca žyć z hetym virusam. Buduć źjaŭlacca novyja štamy, buduć usploski zachvorvańniaŭ i ŭźniknieńnie novych ačahoŭ infiekcyi, i nam treba da hetaha pryvyknuć» — zajaviŭ doktar Nabara ŭ intervju telekanału Sky News.
Pa jaho słovach, usiamu śvietu treba pierastać ździŭlacca ŭźniknieńniu novych štamaŭ — heta budzie adbyvacca pastajanna ŭ ahladnaj budučyni.
Pavodle źviestak amierykanskaha ŭniviersiteta Džonsa Chopkinsa, jaki ŭ svaich padlikach vykarystoŭvaje aficyjnyja źviestki z roznych krain śvietu, za čas pandemii na karanavirus pierachvareła amal 173 młn čałaviek, bolš za 3,7 młn pamierli, zroblena ŭžo bolš za 2 młrd pryščepak.
