Ułady indyjskaj nacyjanalnaj staličnaj akruhi Deli, u jaki ŭvachodzić Ńju-Deli, abviaścili ab čarhovym pasłableńni abmiežavańniaŭ, uviedzienych z-za ŭspyški zachvorvańnia na karanavirusnuju infiekcyju. Ad 14 červienia adčyniajucca ŭsie kramy i handlovyja centry, a taksama restarany i kaviarni, jakija buduć pracavać ź niekatorymi abmiežavańniami.
Heta budzie probnaje źmiakčeńnie režymu abmiežavańniaŭ na adzin tydzień. Kali zachvorvańnie na COVID-19 pačnie raści, to znoŭ buduć uviedzieny strohija miery. Pry hetym usie navučalnyja ŭstanovy ŭ Deli zastanucca začynienymi.
Režym łakdaŭnu dziejničaje ŭ indyjskaj stalicy z 19 krasavika, u ahłamieracyi taksama ŭviedzienaja načnaja kamiendanckaja hadzina. Ułady ličać, što abmiežavańni dazvolili źbić chvalu pašyreńnia infiekcyi. Usiaho ŭ ahłamieracyi za čas epidemii zarazilisia 1 430 844 čałavieki.
