Pra heta paviedamlaje vydańnie The Irish Times. Tut.by sabraŭ hałoŭnaje.
Pa słovach O'Liry:
— adchileńnie rejsa było «naŭmysnym parušeńniem usich mižnarodnych avijacyjnych praviłaŭ»;
— biełaruskija dyśpietčary paviedamili ekipažu, što jany atrymali «realnuju pahrozu, što kali samalot ŭvojdzie ŭ pavietranuju prastoru Litvy ci pasprabuje pryziamlicca ŭ aeraporcie Vilni, to na borcie vybuchnie bomba»;
— kapitan «nieadnarazova» prasiŭ dać adkrytuju liniju suviazi z centram kiravańnia apieracyjami Ryanair ŭ Varšavie, ale jamu skazali, što toj bok nie adkazvaje, što «zusim nie adpaviadała rečaisnaści»;
— na kapitana akazvaŭsia «značny cisk», kab jon pryziamliŭsia ŭ Minsku;
— paśla pasadki ŭ sałon zajšli «niekalki nieviadomych asobaŭ ź videakamierami», jakija «nieadnarazova sprabavali prymusić ekipaž skazać na videa, što jany dobraachvotna nakiravalisia ŭ Minsk», ale ekipaž admoviŭsia zrabić heta.
Razam z tym O'Liry zajaviŭ, što palityka zabarony palotaŭ — nie ŭ intaresach haliny i pasažyraŭ, ale biełaruskija i rasijskija ŭłady pavinny harantavać, što padobnaje bolš nikoli nie paŭtorycca.
***
Dakład ICAO pa incydencie z samalotam kampanii, u vyniku jakoha byli zatrymanyja Raman Pratasievič i Safija Sapieha, abiacajuć pradstavić užo ŭ bližejšyja dva tydni.
