Pra heta paviedamlaje BBC sa spasyłkaj na baćkoŭ.
Pra pieravod Ramana paviedamiŭ Bi-bi-si jaho baćka Dźmitryj.
Baćki syna jašče nie bačyli, žurnalist, jak i Sofja, znachodzicca ŭ zdymnaj kvatery.
«Mnie składana kamientavać dziejańni ŭładaŭ, jakija ŭ ich mety, — skazaŭ Dźmitryj. — Jany ŭsio roŭna pad poŭnym kantrolem uładaŭ, abvinavačvańni ź ich nichto nie źniaŭ».
Pa słovach Dźmitryja Pratasieviča, advakaty i ŭłady pa-raniejšamu ničoha nie paviedamlajuć siamji. «Nam ničoha nie kažuć pra stan Romy, status, heta prosta ździek», — skazaŭ jon.
Advakat Sofji Sapieha Anton Hašynski ŭ efiry telekanała «Dožd́» paćvierdziŭ infarmacyju ab tym, što dziaŭčynu pieraviali pad chatni aryšt.
Pavodle jaho słoŭ, u dziaŭčyny jość mahčymaść sustrakacca z baćkami — napiaredadni jany abiedali ŭ restaranie.
Hašynski źviazaŭ pieravod ź SIZA pad chatni aryšt z sustrečaj Łukašenki i Pucina: «Dziakujučy hetamu i dalejšy los Sofji budzie peŭnym i stanoŭčym. Dumaju, jana apyniecca doma », — paviedamiŭ Hašynski.
Pasolstva Rasii ŭ Biełarusi taksama paćvierdziła, što rasijanku pieraviali pad chatni aryšt.
