fota-AFP
Sprava hrafa Cepielina žyvie… i nie pieramahaje: ispanskaja palicyja paviedamlaje, što zapabiehła ŭciokam adnaho ź viaźniaŭ kanarskaj turmy, jaki chacieŭ pakinuć kazionny budynak pry dapamozie nievialikaha pavietranaha sudna, cepielina.
U abviescy, jakuju raspaŭsiudziła ispanskaja palicyja, paviedamlajecca, što złamyśnik mieŭ na patrebu 4-mietrovy cepielin z dystancyjnym kiravańniem, prybory načnoha bačańnia i alpiniscki ryštunak. Pavodle palicyi, płany nieščaślivaha ŭciekača byli takija: pieralacieć na cepielinčyku ścieny viaźnicy, a tam sieści ŭ aŭto svaich pamahatych. Pierabavicca z Kanaraŭ na materyk viazień musiŭ byŭ užo na zvyčajnym samalocie.
Handlara narkotykaŭ, 52-hadovaha Džulijo B., zaŭsiody vabili niabiosy: jaho i zatrymali koliś mienavita ŭ maŭrytanskim aeraporcie pry sprobie pierabavić pa pavietry niekalki kiłahramaŭ kakaina.
