Premjer-ministr Rasii Ŭładzimir Pucin zahadaŭ razabracca z prychavanym impartam biełaruskaj sielskahaspadarčaj techniki ŭ RF.
Raniej «Rostsielmaš» nieadnarazova narakaŭ na ekspansiju biełaruskaj techniki na rasijski rynak. Pa dadzienych rasiejskaha zavodu, biełaruski «Homsielmaš» pastaŭlaje techniku ŭ Bransk, dzie traktary prachodziać niaznačnuju pieradpradažnuju padrychtoŭku, paśla čaho na ich pačynajuć raspaŭsiudžvajucca rasiejskija ilhoty jak na sielskahaspadarčuju techniku, vyrablenuju ŭ RF.
Viasnoj 2009 hodu Biełaruś paprasiła Rasiju kuplać svaje traktary z vykarystańniem kredytnych schiem, adnak Uładzimir Pucin vykazaŭsia na karyść rasijskich vytvorcaŭ.
U kancy červienia kiraŭnik «Rostsielmašu» Valer Malcaŭ adkryta abvinavaciŭ Biełaruś u dempinhu na rasiejskim rynku. Pa jahonych słovach, nibyta na ŭnutranych tenderach «Homsielmaš» pastaŭlaje kambajny pa 5,96 miljona rubloŭ za štuku, a ŭ Rasiju — pa 4,65 miljona rubloŭ. U hetych umovach rasijskim vytvorcam ciažka kankuryravać ź biełarusami. Pry hetym Malcaŭ skieptyčna vykazaŭsia pra jakaść homielskaj techniki.
Pretenzii «Rostiesielmašu» prypali na pieryjad tak zvanaj «małočnaj vajny». Nahadajem, što miesiac tamu Rasija zabaraniła ŭvoz małaka ź Biełarusi, abhruntavaŭšy heta nieadpaviednaściu tavaru novamu techničnamu rehłamientu.
