Ušanavać pamiać słynnaj u biełaruskaj historyi moładzi, fiłamataŭ i fiłaretaŭ, z Baranavič i Minska ahułam sabralisia kala saraka čałaviek.
Vystupaje historyk Viktar Syryca.
Historyk Michaś Biernat.
Usie słovy i śpievy hučali ŭ letnim sadzie.
Jak paviedamiŭ arhanizatar imprezy, staršynia baranavickaj filii TBM Viktar Syryca, mienavita 185 hadoŭ tamu dvaccać maładych amataraŭ navuki i mastactvaŭ, balšynia jakich pachodzić z baranavickaj ziamli, byli sasłanyja ŭ addalenyja hubierni Rasii pa palityčnych matyvach.
Ušanavać pamiać słynnaj u biełaruskaj historyi moładzi, fiłamataŭ i fiłaretaŭ, z Baranavič i Minska ahułam sabralisia kala saraka čałaviek.
«Ź losaŭ najlepšych synoŭ Ajčyny składajecca i los Baćkaŭščyny, a žyćcio da ŭsich fiłamataŭ i fiłaretaŭ byŭ nielitaścivy, – pramoviŭ historyk Michaś Biernat. – Jany – hieroi-pakutniki za Biełaruś. Heta ludzi, jakija achviarujučy svaimi zdaroŭjem i žyćciami, pačali budzić nacyjanalnuju śviadomaść svaich suajčyńnikaŭ».
Sustreča adbyvałasia na volnym pavietry, u letnim sadzie. Historyk Viktar Syryca pravioŭ siarod prysutnych litaraturna-histaryčnaje ankietavańnie i pračytaŭ nievialikuju lekcyju pra vybitnych fiłamataŭ: Jana Čačota, Franciška Maleŭskaha, Ihnata Damiejku, Michała Rukieviča… Pra toje, za što jany žyli, za što zmahalisia i za što paśla byli pakaranyja – kažučy słovami Adama Mickieviča, «za Ajčynu, navuku, sumleńnie».
Nieŭzabavie pramovy źmianilisia davoli samadziejnym kancertam, na jakim staličnyja amatary tvorčaści fiłamataŭ i fiłaretaŭ praśpiavali pieśni na ich vieršy. Čas ad času kancert pieraryvaŭsia hukami fartepijana, vieršami baranavickich paetaŭ i ŭsio bolš blizkimi da nas hrymotami.
