Čarhovaja avaryja na kalcavoj. Na chutkaści 100 km/h lehkavik urezaŭsia ŭ traktar i niekalki razoŭ pierakuliŭsia. Kiroŭca z traŭmami trapiŭ u balnicu.
DTZ zdaryłasia 6 lipienia na minskaj kalcavoj darozie. Kiroŭca lehkavika vyrašyŭ pierastroicca z treciaj pałasy na pieršuju, ale nie raźličyŭ chutkaść. Na chutkaści 100 km/h lehkavik urezaŭsia ŭ traktar i niekalki razoŭ pierakuliŭsia. 25-hadovaha chłopca daviałosia litaralna vyrazać z sałonu paškodžanaha ŭščent aŭto. Z čerapna-mazhavoj traŭmaj i pierałomami maładoha čałavieka advieźli ŭ balnicu.
U vyniku zdareńnia lehkavik ramontu nie padlahaje, na traktary zastalisia lohkija paškodžańni. Supracoŭnikam DAI treba vyśvietlić, ci byŭ małady čałaviek ćviarozym. U advarotnym vypadku jamu pahražaje štraf 4 bazavych vieličyni i pazbaŭleńnia paśviedčańnia kiroŭcy da dvuch hadoŭ.
Nahadajem, što 5 lipienia na kalcavoj darozie ŭ vyniku DTZ zahinuli dva čałavieki i troje byli paranienyja.
