Na 77-m hodzie žyćcia pajšoŭ z žyćcia viadomy rasiejski piśmieńnik Vasilij Aksionaŭ. Jaho tvorčaść była kvintensiencyjaj «adlihi», ź jaje nadziejami, naiŭnaściu ramantyčnaściu i pierakananaściu ŭ nieminučaściu ŭsieahulnaha ščaścia.
Vasilij Aksionaŭ naradziŭsia 20 žniŭnia 1932 hodu ŭ Kazani ŭ siamji partyjnych pracaŭnikoŭ. Baćkoŭ u 1937 represavali. Potym Vasilij vučyŭsia ŭ Leninhradskim miedycynskim instytucie. Pracavaŭ lekaram. Pieršyja publikacyi — u kiravanym Valancinam Katajevym časopisie «Junosť». Papularnaść pryniesła pieršaja ž apovieść «Kollehi». Potym byli roman «Źviezdnyj bilet», tvory «Apielsinam iz Marokko», «Pora, moj druh, pora», «Žal, čto vas nie było s nami», kultavaja apovieść «Zatovariennaja bočkotara».
Kali adliha zrabilisia zamarazkami? Aksionaŭ pačaŭ piša dla dzietak - kinascenary i dziciačyja kazki, a dla šufladki – biez usiakaj nadziei na publikacyju ŭ SSSR – antysavieckija «Ožoh» i «Ostrov Krym». Potym – emihracyja, 10 hadoŭ u ZŠA, ramany, napisanyja tam, pierajezd u Francyju. Padčas harbačoŭskaj pierabudovy Aksionaŭ pieražyvaje druhi pik słavy. Nadrukavany ŭ «Junosti» «Ostrov Krym» robicca hałoŭnym usiesajuznym biestsieleram, a publikacyja tryłohii «Moskovskaja saha» umacavała viartańnie Aksionava. U apošnija hady žyŭ na dva damy, u Maskvie i Bijarycy. U 2004 hodzie atrymaŭ premiju «Rasiejski Bukier» za knihu «Voltieŕjancy i voltieŕjanki».
15 studzienia 2008 hodu ŭ piśmieńnika pryłučyŭsia insult i paŭtara hodu lekary zmahalisia za jaho žyćcio.
