«Ja rychtuju materyjał pra litoŭska-biełaruskuju miažu, dzie praciahvaje adzinočny pikiet Siarhiej «Kosmas». Płanuju paru repartažaŭ jašče. Pakul praca zaklučajecca jakraz u hetym. Płanuju ŭznavić efiry ŭ žniŭni», — kaža jon.
«Radyjo-97» paŭstała ŭ druhoj pałovie 2020 hoda. Jaho viadučym spačatku byŭ Maks Morysan, a potym dałučyŭsia Vital «Virus» Kandracienka. Jany pačynali ŭ farmacie radyjo, a potym pierajšli ŭ jutub. U štodzionnych viečarovych strymach viadučyja zaprašali roznych haściej, ź jakimi abmiarkoŭvali aktualnyja palityčnyja padziei. «Radyjo-97» pracavała z Ukrainy, Polščy, apošnim časam — ź Litvy. Ahułam «Radyjo-97» maje bolš za 40 tysiač padpisčykaŭ, asobnyja strymy źbirali bolš za 200 tysiač prahladaŭ.
U prajekcie ŭdzielničaŭ taksama nieadnaznačny rasijski błohier Jaŭhien Byčkoŭski. U mai praz kanflikt z Byčkoŭskim «Radyjo-97» pakinuŭ «Virus», a ŭžo naprykancy červienia nieparazumieńni z Byčkoŭskim adbylisia i ŭ Morysana. Ciapier apošni zajmajecca kanałam sam.
