Kiraŭnik MZS Ukrainy Dźmitryj Kuleba adreahavaŭ na hibiel biełaruskaha aktyvista Vitala Šyšova, paabiacaŭšy, što Ukraina zrobić usio mahčymaje dla vyśviatleńnia «ŭsioj praŭdy» ab hetaj trahičnaj śmierci.
«Ukraina zrobić usio mahčymaje dla rasśledavańnia hetaj spravy: važna vyjavić usiu praŭdu ab jaho trahičnaj śmierci», — zajaviŭ ministr zamiežnych spraŭ Ukrainy.
Kuleba padkreśliŭ, što «šakavany trahičnaj viestkaj ab śmierci biełaruskaha aktyvista Vitala Šyšova».
Staršyniu Biełaruskaha doma va Ukrainie Vitala Šyšova, jaki źnik u Kijevie 2 žniŭnia, znajšli paviešanym u kijeŭskim parku.
Kalehi Šyšova ź Biełaruskaha doma zajavili, što za Vitalom sačyli, i palicyja pra heta viedała.
Kiraŭnik ukrainskaj palicyi Ihar Klimienka paviedamiŭ ab traŭmach na ciele Vitala Šyšova — u jaho sadranaja skura na nosie, kalenie i hrudziach.
