«Paśla zamarozki hetaj tematyki zimoj 2019 hoda pieramovy byli adnoŭlenyja letam 2020-ha. U pracesie pieramovaŭ davoli chutka vyjaviłasia jadro intaresaŭ z kožnaha boku.
Dla rasijanaŭ heta pytańni padatkovaha i mytnaha rehulavańnia, heta značyć prazrystaści, nahladu za tavaraŭ pa ich terytoryi. Dla nas — umovy supracoŭnictva ŭ enierhietycy i dostup na rasijski rynak.
Va ŭsim pakiecie ekanamičnych intehracyjnych damoŭlenaściaŭ hałoŭnaja składanaść u našych pierahavornych pytańniach zaklučałasia va ŭzajemaźviazvańni hetych sustrečnych intaresaŭ», — raspavioŭ Mikałaj Snapkoŭ.
Pavodle jaho słoŭ, u vyniku baki vyjšli na praktyčna całkam uzhodnieny pakiet intehracyjnych dakumientaŭ, jaki ŭklučaje asnoŭnyja napramki i 28 halinovych sajuznych prahram, a taksama prajekty rašeńniaŭ sajuznaha Saŭmina i Vyšejšaha dziaržsavieta Sajuznaj dziaržavy ab ich adabreńni.