.
AFP
Kiraŭnictva adzinaj niepadkantrolnaj talibam pravincyi Afhanistana Pandžšera vystaviła ŭltymatum isłamskaha ruchu «Taliban».
Paŭnočny aljans, jak nazyvajecca ruch supracivu talibam, zapatrabavaŭ decentralizacyju i pabudovu novaj sistemy praŭleńnia, jakaja zabiaśpiečyć sacyjalnuju spraviadlivaść, roŭnaść, pravy i svabodu dla ŭsich. Kali taliby admoviacca ad pieramovaŭ, to ich čakaje doŭhi supraciŭ pa ŭsim Afhanistanie, zajaviŭ aljans.
«Taliban» pastaviŭ ultymatum, patrabujučy, kab kiraŭnik supracivu Achmad Masud zdaŭsia na praciahu 4 hadzin, inakš taliby pačnuć šturm pravincyi i ŭsioj Pandžšerskaj ciaśniny.
32-hadovy Achmad Masud — syn znakamitaha afhanskaha palavoha kamandzira, byłoha ministra abarony Achmada Šach Masuda, jaki mieŭ mianušku pandžerski leŭ (zahinuŭ u vieraśni 2001) — zajaviŭ, što zdavacca nie maje namieru. Pa jaho słovach, heta taliby pavinny pajści na sastupki i sfarmavać urad, u jaki ŭvojduć pradstaŭniki ŭsich sił. Kali «Taliban» admovicca ad dyjałohu, skazaŭ Achmad, vajna nieminučaja.
