U Tokia siońnia adbudziecca ŭračystaja cyrymonija adkryćcia XVI letnich Paralimpijskich hulniaŭ, piša BiełTA.
Pieršapačatkova ŭ składzie biełaruskaj spartyŭnaj delehacyi byli 20 atletaŭ, adnak užo ŭ japonskaj stalicy adzin ź ich — płyviec Maksim Vaškievič, a taksama trenier Stanisłaŭ Paździejeŭ praz stanoŭčyja testy na COVID-19 byli źmieščanyja na dziesiacidzionny karancin.
Biełarusy vystupiać u spabornictvach pa lohkaj atletycy, płavańni, dziudo, paraviesłavańni i fiechtavańni.
Na minułaj Paralimpijadzie ŭ Rya-de-Žaniejra-2016 biełaruskija spartsmieny zavajavali 10 uznaharod — 8 załatych i 2 bronzavyja.
Usiaho na spabornictvach u Tokia vystupiać kala 4 tys. paralimpijcaŭ, jakija pradstaŭlajuć bolš za 160 krain śvietu. Jany razyhrajuć 539 kamplektaŭ uznaharod u 22 vidach sportu (u Alimpijadzie-2021 było 339 kamplektaŭ uznaharod).
Uračystaje zakryćcio hulniaŭ adbudziecca 5 vieraśnia.