Valsts kanceleja
«Ja ničoha bolš nie chaču zakryvać», — skazaŭ palityk, patłumačyŭšy, što z prychodam novaj chvali ŭrad nie płanuje zakryvać biznes i pieravodzić školnikaŭ na dystancyjnaje navučańnie.
Pa słovach kiraŭnika ŭrada, nie zapłanavanyja i abmiežavańni dla pryščeplenych žycharoŭ Łatvii, a dla astatnich mnohija pasłuhi buduć niedastupnyja, naprykład, hramadskaje charčavańnie, kulturnyja i zabaŭlalnyja mierapryjemstvy i inš.
Anałahičnaja situacyja ŭ Litvie, dzie z 13 vieraśnia zapracuje «pašpart mahčymaściaŭ» dla pryščeplenych ad kavidu abo tych, chto pieranios chvarobu.
Dla niepryščeplenych zakryjucca bujnyja handlovyja centry, sałony pryhažości, pradpryjemstvy hramadskaha charčavańnia, miescy zabaŭ, budzie zakryty dostup na roznyja mierapryjemstvy.
U Łatvii całkam vakcynavalisia 39,78%, a adnu dozu atrymali 44,86%, u Litvie ličby vyšejšyja — 58% i 52%, heta pry tym, što ŭ abiedźviuch krainach taksama vykarystoŭvajecca vakcyna Janssen, dzie dastatkova adnoj dozy.
