Acenka hruntujecca na ŭnutranaj spravazdačy, padrychtavanaj ŭstanovami biaśpieki. Jak adznačajecca ŭ dakumiencie, u mnohich vypadkach nielehały akazvalisia ŭ Hiermanii z dapamohaj kantrabandystaŭ. Niekatoryja paviedamlali, što ludzi, jakija pryvieźli ich u Hiermaniju, pa pryjeździe zdymali ich na videa i prymušali pry hetym skazać na anhlijskaj movie: «Ja ŭ Hiermanii».
Inšyja biežancy pakazvali, što pa prybyćci na terytoryju Hiermanii ad ich patrabavali zrabić sełfi.
Niamieckija viedamstvy miarkujuć, što heta moža vykarystoŭvacca bandami kantrabandystaŭ u jakaści «rekłamy», a taksama słužyć u jakaści kančatkovaj vypłaty astatku hrašovaj sumy za kantrabandu nielehałaŭ.
U spravazdačy taksama prahnazujecca, što bolšaść nielehalnych mihrantaŭ, jakija zajechali ź Biełarusi ŭ Litvu, Łatviju ci Polšču, nie płanujuć tam zastavacca. Ich kančatkovaj metaj, miarkujučy pa ŭsim, źjaŭlajecca Hiermanija — «užo za košt kolkaści hramadzian Iraka, jakija žyvuć tut, jakaja našmat pieravyšaje pakazčyki inšych jeŭrapiejskich krain».
Jak pakazana ŭ dakumiencie, u FRH aficyjna zarehistravana 220 778 hramadzian Iraka, u Šviecyi — 25 896. Akramia taho, u 2020 i 2021 hadach u Jeŭrapiejskim Sajuzie bolšaść prašeńniaŭ irakcaŭ ab prytułku było padadziena ŭ Hiermanii.
