AP
Zajava była zroblena paśla taho, jak u ZŠA vyrašyli rekamiendavać revakcynacyju suprać COVID ludziam ad 65 hadoŭ abo z hrupy vysokaj ryzyki, paviedamlaje Times of Israel.
Horavic zajaviŭ, što dakumient, pradstaŭleny kamitetu Upraŭleńniem pa kantroli za praduktami i lekami, pakazaŭ, što kampanija revakcynacyi ŭ Izraili była klučavoj mieraj suprać karanavirusa.
«U dakumiencie, pradstaŭlenym ekśpiertami FDA kamisii ZŠA, niedvuchsensoŭna havorycca, što Izrail źjaŭlajecca vyraznym dokazam taho, što treciaja vakcyna efiektyŭnaja ŭ baraćbie z deltaj», — paviedamiŭ jon.
Danyja Izraila, pradastaŭlenyja FDA, pakazvajuć, što efiektyŭnaść vakcyny źnižajecca prykładna praz šeść miesiacaŭ. Ministerstva achovy zdaroŭja vyrašyła prapanavać 3-ju pryščepku ad karanavirusa ŭsim ludziam va ŭzroście ad 12 hadoŭ i starejšym.
«Izrail vyrašyŭ dziejničać adkazna i chutka, kab zmahacca z rostam zachvorvańnia, i dadzienyja pakazvajuć na vysokuju efiektyŭnaść bustarnaj vakcyny, jakaja adnaŭlaje abaronu ad karanavirusa», — zajavili ŭ Ministerstvie.
