Dakumientam sa Svabodaj padzialilisia čytačy.
Pradpryjemstva praz składanuju epidemijałahičnuju situacyju pierajšło ŭ režym žorstkaj ekanomii raschodu kisłarodu dla techničnych metaŭ, havorycca ŭ liście za podpisam hienieralnaha dyrektara Vasila Kaściukieviča.
Maksimum na što hatovy vytvorca — u ekstrannych avaryjnych vypadkach vydzialać nia bolš za 1-2 bałony na dzień.
«Śvietłahorskchimvałakno» vyrablaje techničny i miedyčny kisłarod bolš za 40 hadoŭ.
Adzin 40-litrovy bałon źmiaščaje krychu bolš za 6 kubamietraŭ kisłarodu. Dla inhalatara z maskaj takoha bałonu chopić na niekalki sutak, dla aparatu štučnaj vientylacyi lohkich — na adny sutki.
U Homielskaj vobłaści za paŭmiesiaca kolkaść pieraprafilavanyja łožkaŭ dla kavidnych chvorych u špitalach vyrasła na 52%. Usiaho takich łožkaŭ ciapier — 36% ad najaŭnych u rehijonie.
Pavodle statystki Minzdaroŭja, za minułyja sutki ŭ krainie 1998 novych chvorych z karanavirusam i 16 śmiarciej pacyjentaŭ.