Getty Images
Čanśli byŭ u natoŭpie prychilnikaŭ prezidenta Trampa, jakija sprabavali nie dać Kanhresu ŭchvalić vyniki prezidenckich vybaraŭ 2020 hoda, nahadvaje Bi-bi-si.
Raniej jon pryznaŭ siabie vinavatym pa abvinavačvańni ŭ pieraškodzie praviadzieńniu aficyjnaha raźbiralnictva.
Jaho prysud staŭ adnym z surovych siarod vyniesienych udzielnikam biesparadkaŭ u Kapitolii. U dadatak da turemnaha terminu Čanśli atrymaŭ jašče 36 miesiacaŭ umoŭna, padčas jakich za im budzie vieścisia palicejskaje nazirańnie. Jamu taksama daviadziecca vypłacić $100, kab pakryć naniesienuju škodu.
34-hadovy Čanśli staŭ adnym z najbolš viadomych udzielnikaŭ zachopu Kapitolija, paśla taho, jak byŭ sfatahrafavany ŭ miadźviedžaj šapcy z rahami i tvaram, razmalavanym pad amierykanski ściah. Sam siabie jon nazyvaje «šamanam QAnon».
Prychilniki hetaj teoryi zmoŭ, jakuju ŭ ZŠA pryraŭnoŭvajuć da kultu, miarkujuć, što śvietam kiruje klika satanistaŭ i kanibałaŭ-piedafiłaŭ, jakija akapalisia va ŭradzie, biznesie i ŚMI, suprać jakich były prezident Donald Tramp vioŭ sakretnuju vajnu.