«Laskoŭski pracavaŭ nastaŭnikam matematyki i inśpiektaram rajonnaha adździeła adukacyi. A pa-za hetaj pracaj daśledvaŭ historyju Šarkoŭščyny i vakolic. Jon byŭ najbolš aŭtarytetnym krajaznaŭcam u Šarkoŭščynskim rajonie. Hruntoŭna vyvučyŭ i apisaŭ historyju mahnackich i šlachieckich rodaŭ, jakija vałodali ziamloj u hetym rehijonie, a taksama padziei paŭstańniaŭ 1831 i 1863 hoda.
Jaho daśledvańni lahli ŭ asnovu raździełaŭ u knizie «Pamiać. Šarkaŭščynski rajon», a taksama jaho ŭłasnaj knihi «Histaryčnaja chronika Šarkoŭščyny i navakolla», jakaja vyjšła ŭ miascovym samvydacie. Laskoŭski pierakładaŭ niekatoryja pracy z polskaj movy — naprykład, mižvajennuju manahrafiju Otana Hiedemana pra škołu ajcoŭ pijaraŭ u Łužkach.
Taksama jon napisaŭ uspaminy, u jakich pierakazaŭ usio, što ŭbačyŭ u rodnym krai za svajo doŭhaje žyćcio.
Dom Uładzisłava Laskoŭskaha, jaki staić u zavułku zdala ad hałoŭnych vulic Šarkoŭščyny, nieadnojčy byŭ miescam kulturnickich i palityčnych mierapryjemstvaŭ. U jaho źbiralisia ludzi adśviatkavać 25 Sakavika, tam sustrakaŭsia ź miascovymi prychilnikami palityk Pavieł Sieviaryniec, tam ža roznyja aŭtary ładzili prezientacyi histaryčnych i mastackich knih. U pačatku 2020 hoda doma ŭ Laskoŭskaha adbyłasia sustreča apazicyjnaha «prajmeryz». Na jaje pryjšło amal udvaja bolš ludziej, čym zvyčajna — dla nas heta byŭ pieršy znak taho, što ŭ hramadstvie niešta mianiajecca.
Laskoŭski byŭ duža dobry, haścinny čałaviek. Niekalki razoŭ ja byvaŭ u jaho pa žurnalisckich i krajaznaŭčych spravach, dy i prosta zavitvaŭ, majučy čas. Jon zaŭsiody častavaŭ hościa, ź im było cikava pahutaryć. Zdajecca, zaŭsiody jon byŭ u badziorym, dobrym nastroi…
Adyjšoŭ u viečnaść čałaviek, jaki hodna pražyŭ žyćcio, daśledvaŭ rodny kraj, lubiŭ Biełaruś i čym moh, spryjaŭ nabližeńniu jaje svabody. Niachaj Boh adździačyć jamu za ŭsio, što jon zrabiŭ dobraje ŭ žyćci!» — napisaŭ Kastuś Šytal.
