Fota: pixabay.com.
Viadomyja modniki našktałt Beły Chadzid, Lili-Roŭz Dep i Zoŭi Kravitc viartajucca da raniejšaj viersii navušnikaŭ — pravadnych. Mienavita z takim aksiesuaram niadaŭna sfatahrafavali hetych zorak, piša Wall Street Journal.
Błohiery ŭ Tyktoku publikujuć videa, dzie tłumačać, čym pravadnyja navušniki lepšyja za biespravadnyja. Hetamu jość jak praktyčnaje, tak i idejnaje tłumačeńnie.
Kali kazać pra praktyčny bok, bačnaja vialikaja roźnica ŭ košcie. Naprykład, Airpods ad Apple kaštujuć u ZŠA ŭ siarednim ad 179 da ažno 549 dalaraŭ. U toj ža čas pravadny anałah ad toj ža firmy abydziecca vam usiaho ŭ 19 dalaraŭ, a navušniki ad inšych brendaŭ buduć kaštavać jašče mienš.
Pravadnyja navušniki ciažej zhubić, čym biespravadnyja, i ich nie treba zaradžać. U dadatak, niekatoryja ludzi bajacca mahčymaha vypramieńvańnia ad biespravadnych navušnikaŭ. Jano sapraŭdy isnuje, adnak pryznanaje biaśpiečnym dla čałavieka.
Niekatorym ludziam moža padabacca, što pravadnyja navušniki lahčej zaŭvažyć na čałavieku, čym biespravadnyja. Kali vy nosicie taki aksiesuar, a nie ciapierašnija Airpods, vy vyhladajecie mienš dasiahalnym dla ludziej, što navokał, i nibyta ŭzvodzicie fizičny barjer pamiž saboj i imi.
Narešcie, pravadnyja navušniki — svajeasablivy pratest suprać kultury spažyvańnia, što prymušaje nabyvać statusnyja rečy. Heta aksiesuar, jaki nadaje vobrazu adčuvańnie lohkaści i bieskłapotnaści.
Lehiendarny płejer nulavych Winamp rychtujecca da adradžeńnia
Novaje słova ŭ pierasoŭvańni pa vadzie. Moža, praz kolki hod budziecie tak dabiracca na pracu pa Niomanie ci Prypiaci
