Pry hetym u arhanizacyi padkreślili, što pakul niama dastatkovaj kolkaści danych, jakija paćviardžajuć infarmacyju ab tym, što novy štam karanavirusa «amikron» niebiaśpiečniejšy za «deltu». «Pakul nie jasna, ci źjaŭlajecca «amikron» bolš tranśmisiŭnym — naprykład, lahčej pieradajecca ad čałavieka da čałavieka — pa paraŭnańni ź inšymi varyjantami, u tym liku varyjantam «delta», — havorycca ŭ paviedamleńni.
U SAAZ adznačajuć, što kolkaść ludziej sa stanoŭčym vynikam testa na karanavirus u PAR, dzie zafiksavali ŭspyšku novaha štama, pavialičyłasia, adnak epidemijałahičnyja daśledavańni praciahvajucca, kab zrazumieć, źviazana heta z «amikronam», ci ž na heta paŭpłyvali inšyja faktary.
Jak zajaŭlajuć śpiecyjalisty SAAZ, pakul taksama zastajecca niezrazumiełym, ci pryvodzić amikron-štam da bolš ciažkaha ciačeńnia chvaroby ŭ paraŭnańni ź inšymi mutacyjami infiekcyi, u tym liku «deltaj». «Pavodle papiarednich źviestak, u Paŭdniovaj Afrycy nazirajecca rost kolkaści špitalizacyj, ale heta moža być źviazana z pavieličeńniem ahulnaj kolkaści infikavanych ludziej, a nie z zaražeńniem mienavita štamam «amikron»», — miarkujuć u arhanizacyi.
Akramia taho, jak padkreślivajuć u SAAZ, pakul niama infarmacyi ab tym, što simptomy, źviazanyja z zaražeńniem «amikronam», adroźnivajucca ad simptomaŭ pry zaražeńni inšymi štamami. «Dla taho, kab zrazumieć stupień ciažkaści varyjanta «amikron», spatrebicca ad niekalkich dzion da niekalkich tydniaŭ», — havorycca ŭ zajavie.
