Zabaronu na znachodžańnie ciapier mohuć uvieści ŭ asobnym rajonie pamiežnaj zony na padstavie pastanovy ministra ŭnutranych spraŭ, vydadzienaj paśla ŭzhadnieńnia z hałoŭnym kamandziram pamiežnaj słužby. U takoj pastanovie maje być akreślena płošča ŭčastku, na jakim nie dapuskajecca prysutnaść pabočnych asobaŭ, a taksama praciahłaść dziejańnia zabarony, piša ŭradavy partał Polščy.
Na try miesiacy ŭvodzicca zabarona na naviedvańnie pamiežnych učastkaŭ, dzie dasiul dziejničała nadzvyčajnaje stanovišča.
Zakon praduhledžvaje šerah vyklučeńniaŭ z hetaj zabarony dla peŭnych katehoryj asob:
- žycharoŭ zony, na jakuju raspaŭsiudžvajecca zabarona na znachodžańnie;
- asob, jakija znachodziacca ŭ hetaj zonie pa pracoŭnaj dziejnaści;
- studentaŭ;
- asob, jakija karystajucca pamiežnymi pierachodami.
Upaŭnavažany pa miescy žycharstva kamandzir pamiežnaj zastavy taksama zmoža dazvolić inšym asobam, u pryvatnaści žurnalistam, znachodzicca ŭ zonie ŭ čas dziejańnia zabarony. Niekatoryja subjekty, jakija majuć pole dziejnaści ŭ takoj zonie, zmohuć paźniej raźličvać na kampiensacyju, vyklikanaj niemahčymaściu dostupu na dadzienuju terytoryju.
