Pierad hetym, u piatnicu, kniha «Hej Ben Hinom» («Hiejena vohniennaja») była prezientavanaja ŭ Domie litoŭskich piśmieńnikaŭ u Vilni.
Ciažkaja dla vymaŭleńnia nazva ramana pachodzić ad habrejskaha najmieńnia apramietnaj. Aŭtar fiłasofstvuje na temu taho, što našaje žyćcio ź jaho vyklikami, vyprabavańniami i vybaram časam nie našmat adroznym ad toj apramietnaj. Chacia i napisanaja ŭ žanry histaryčnaha fentezi, kniha šmat u čym aŭtabijahrafičnaja. U joj pieraplecienyja epizody z žyćcia kłasika biełaruskaj litaratury Janki Kupały i sceny z brežnieŭskich časoŭ. Hieroi knihi stajać pierad ciažkim maralnym vybaram i hłyboka refleksujuć na hety kont.
Čytajcie taksama:
Niaklajeŭ raspačaŭ sieryju prezientacyj svajho novaha ramana ŭ Polščy
Uładzimir Niaklajeŭ padčas prezientacyi ŭzhadvaŭ historyi svajho žyćcia, jakija paŭpłyvali na prychod u litaraturu, raspaviadaŭ pra svaju novuju knihu, čytaŭ vieršy i navat vykanaŭ pieśniu «Vasilkovaje pole». Chacia zbolšaha pieśni śpiavaŭ vydatny muzyka i siabra Uładzimira Niaklajeva Źmicier Vajciuškievič. Jon vykanaŭ nizku svaich najpapularniejšych kranalnych piesień na słovy Uładzimira Prakopaviča.
Hučali pieśni «Jak ty adzin», «Skončyłasia leta», «Daroha», «Krasunia Viasna».
Pavodle kiraŭnika kanunikat.org Jarasłava Ivaniuka, jaki vydaŭ knihu, u subotu była 10-ja zaklučnaja prezientacyja knihi, praktyčna ŭsie asobniki jakoj padčas prezientacyjnaha tura byli raskuplenyja.
«My naviedali najbolšyja asiarodki biełaruskaj emihracyi ŭ Polščy, a taksama miescy pražyvańnia biełaruskaj nacyjanalnaj mienšaści. Byli ŭ Krakavie, Urocłavie, Poznani, Hdańsku, Varšavie, Łodzi, Biełastoku, Białaj Padlascy. Apošnija dźvie prezientacyi my zładzili ŭ Vilni ŭ Domie litaratara, a taksama ŭ domie Ivana Łuckieviča. Na ŭsich prezientacyjach była vialikaja zacikaŭlenaść jak samoj knihaj, tak i jaje aŭtaram, ci nie najbolš viadomym biełaruskim litarataram», — adznačaje pradstaŭnik fonda Kamunikat.org Jarasłaŭ Ivaniuk.
