Pra heta ŭ paniadziełak paviedamiła Agence France-Presse.
Paviedamlajecca, što heta prysud tolki pavodle adnaho artykuła.
***
1 lutaha 2021 hoda mjanmanskija vajskoŭcy zładzili pieravarot i abviaścili pra ŭviadzieńnie nadzvyčajnaha stanovišča terminam na hod i źniaćcio kiraŭnictva krainy, uklučajučy prezidenta Vin Mjina i dziaržaŭnauju daradcu Aun San Su Čžy. Pradstaŭniki vojska patłumačyli heta maštabnymi falsifikacyjami, jakimi, jak jany śćviardžajuć, supravadžalisia usieahulnyja parłamienckija vybary, jakija prajšli ŭ listapadzie 2020 hoda, na jakich znoŭ pieramahła Su Čžy.
Tady chunta abvinavaciła Su Čžy ŭ parušeńni dziaržaŭnaj tajamnicy, nielehalnym uvozie partatyŭnaj pryjomapieradavalnaj techniki, vykarystańni hetaj aparatury bieź dziaržaŭnaj rehistracyi, parušeńni režymu nadzvyčajnaha stanovišča i atrymańni chabaru. Jaje aryštavali 1 lutaha naŭprost u kabiniecie, z taho momantu da suda jaje nichto nie bačyŭ.
Su Čžy ŭ 1988 hodzie viarnułasia z Brytanii ŭ Mjanmu i ŭznačaliła apazicyju, 15 hadoŭ praviała pad chatnim aryštam. U 1991-m joj była prysudžanaja Nobieleŭskaja premija miru. Była dziarždaradcaj Mjanmy z 2016 pa luty 2021 hoda.