Fota: nashkraj.by
Kolki piedahahičnych tem žurnalisty ni padymali, stolki piedahohi havaryli: «My zanadta pierahružanyja spravazdačami, pravierkami, pachodami pa vučnioŭskich damach… Ale ž my chočam zajmacca svajoj pracaj — vučyć dziaciej». Maŭlaŭ, jak tolki heta stanie mahčymym, u biełaruskaj adukacyi adrazu namieciacca tendencyi da lepšaha.
Rasparadžeńnie «Ab uparadkavańni zboru infarmacyi i dziejnaści piedahahičnych rabotnikaŭ». Jano datavanaje 24 listapada i navat ŭžo nabyło moc.
U rasparadžeńni paznačana: «Vyklučyć nieabhruntavanyja zapyty (daručeńni) va ŭstanovy adukacyi, nie źviazanyja z vykanańniem piedahahičnymi rabotnikami ich słužbovych abaviazkaŭ». U dakumiencie pryviedzieny ceły śpis taho, što piedahohi ciapier nie abaviazanyja rabić.
Tak, naprykład, u rasparadžeńni havorycca, što nastaŭnik nie pavinien pradastaŭlać infarmacyju ab zapazyčanaści pa apłacie kamunałki ŭ siemjach jaho vučniaŭ, stanie ŭ ich damach piečaŭ i katłoŭ hazavaha aciapleńnia, ab kolkaści aŭtanomnych pažarnych apaviaščalnikaŭ u žytle navučencaŭ, ab vykanańni i nievykanańniami ich baćkami rekamiendacyj miedykaŭ.
Taksama, zhodna z novym dakumientam, ciapier nastaŭniki nie pavinny vykonvać rasparadžeńni, nie praduhledžanyja pracoŭnym kantraktam.
Jašče adzin punkt, jakomu piedahohi, napeŭna, pavinny byli vielmi ŭzradavacca: ciapier im nie treba pradastaŭlać fatahrafii i videa sa školnych kancertaŭ i mierapryjemstvaŭ, kab zrabić spravazdaču ab ich praviadzieńni. Hetak ža, jak i rabić inšuju pracu, jakaja adciahvaje nastaŭnikaŭ ad vykanańnia ich niepasrednych abaviazkaŭ.
Paśla ŭstupleńnia rasparadžeńnia ŭ siłu prajšło amal dva tydni. My pahavaryli ź piedahohami i daviedalisia, što źmianiłasia za hety čas ŭ ich pracy.
«Nie źmianiłasia akurat ničoha. Nastaŭniki jak vykonvali, tak i vykonvajuć usio što zaŭhodna, akramia svajoj pracy. Ź niepatrebnymi papierkami i spravazdačami važusia bolš, čym praviaraju sšytki svaich vučniaŭ, — raskazvaje piedahoh pačatkovych kłasaŭ z Homiela Natalla Uładzimiraŭna. — Rasparadžeńnie jość, a novych ruk, kab vykonvać usie tyja ž abaviazki, u škole niama. Tamu pracujem jak i raniej».
Prykładna takaja ž situacyja i na inšym kancy krainy — u Viciebskaj vobłaści.
«Naša daškolnaja ŭstanova asablivaja, naroŭni sa zvyčajnymi dzietkami my vychoŭvajem jašče i asablivych. Havorka pra dziaciej z roznymi dyjahnazami, — kaža piedahoh-psichołah ź dziciačaha sadka adnaho z pravincyjnych haradoŭ vobłaści. — Ja lublu svaju pracu i sapraŭdy chaču zajmacca ź dziećmi i ich baćkami. Ale nie mahu!
U mianie na heta elemientarna nie chapaje času. Tamu što i mnie, jak i maim kaleham, davodzicca vykonvać dziasiatki roznych spraŭ, a potym jašče zapaŭniać u suviazi ź imi dziasiatki roznych dakumientaŭ, kab dać spravazdaču pierad upraŭleńniem adukacyi. Naša miascovaje ŭpraŭleńnie adukacyi padzielenaje na try častki, i supracoŭniki kožnaj ź ich patrabujuć ad nas dakumientaŭ. Śmiešna toje, što hetyja dakumienty ŭsim patrebnyja «terminova».
Asabista mnie ŭ dzień prychodzić listoŭ pa dziesiać z samymi roznymi patrabavańniami. Z apošniaha: «dać spravazdaču, jak my zabiaśpiečvajem zachavanaść dziciačych navahodnich padarunkaŭ», «jak adramantavali altanku» (plus abaviazkova skłaści kaštarys praviedzienych rabot i dasłać fota), «jak upryhožyli pamiaškańnie» (plus abaviazkovaje fota ŭpryhožanych pamiaškańniaŭ), napisać, «kolki pažarnych apaviaščalniku ŭ šmatdzietnych siemjach», «dać spravazdaču ab praviedzienaj pracy pa papiaredžańni kibierzłačynstvaŭ z baćkami».
Jość i zapyty ź milicyi. Ale jany prychodziać nie naŭprost adtul. Ich spačatku dasyłajuć va ŭpraŭleńnie adukacyi, a ŭžo jany patrabujuć infarmacyju z nas. Prytym heta pavinna być cełaje rasśledavańnie. Kali vy dumajecie, što možna zrabić prosta adpisku, to pamylajeciesia. Kali ŭ siamji dziciaci niešta zdarycca, vinavaty budzie piedahoh.
U mianie, naprykład, byŭ vypadak, kali ŭ siamji, jakaja žyła ŭ pryvatnym domie, zdaryŭsia pažar. Adhadajcie, z kaho spytali za niaspraŭnyja pažarnyja apaviaščalniki? Ź piedahohaŭ. Toje, što vydajucca rasparadžeńni, kłasna, kaniečnie, ale na spravie jany nie pracujuć».
Čytajcie taksama:
Nastaŭniki znoŭ skardziacca na prymusovuju padpisku. Juryst: «Biez nastojlivaści naŭrad ci atrymajecca adstajać svaje pravy»
