Departamient pa spravach arhanizavanaj złačynnaści i karupcyi nacyjanalnaj prakuratury Polščy kuryruje rasśledavańnie pasadki 23 maja 2021 hoda samalota Ryanair u Minsku.
Padčas rasśledavańnia dapytali pasažyraŭ i pradstaŭnikoŭ avijakampanij. Byŭ ustalavany niepasredny śviedka padziej. Śledčyja pryjšli da vysnovy, što 23 maja ŭ dyśpietčarskaj u aeraporcie znachodziŭsia supracoŭnik KDB, jaki pryniaŭ rašeńnie ab pasadcy samalota i byŭ na suviazi jašče z adnym čałaviekam, jakomu dakładvaŭ ab usich dziejańniach.
Zajaŭlajecca, što samalotu nie pahražała bomba. Paviedamlajecca, što piłot atrymaŭ infarmacyju ab pahrozie jašče da taho, jak źjaviŭsia list pra vybuchoŭku, jakaja nibyta znachodziłasia na borcie samalota.
«Dziejańni ŭ minskim aeraporcie, u tym liku pavodziny ekstrannych słužbaŭ i piersanała aeraporta, taksama śviedčyli ab poŭnaj adsutnaści pahrozy. Usia hetaja situacyja była tolki padstavaj, kab prymusić piłota pryziamlicca ŭ Minsku», — skazana ŭ paviedamleńni prakuratury Polščy.
New York Times: Avijadyśpietčar źbieh ź Biełarusi ŭ Polšču i raskazaŭ pra pasadku Ryanair
U Mintransie prakamientavali publikacyju NYT pra pasadku samalota Ryanair
