Havorka idzie pra etap karjery Łatuški, kali jon byŭ ministram kultury. Pavodle Hienprakuratury, Łatuška niezakonna prafinansavaŭ vytvorčaść filmaŭ.
Śćviardžajecca, što ŭ 2012 hodzie Łatuška «z karyści i inšaj asabistaj zacikaŭlenaści, dakładna viedajučy ab adsutnaści ŭ adpaviednaści z zakanadaŭstvam padstaŭ dla finansavańnia za košt biudžetu Respubliki Biełaruś šerahu zahadzia niezapatrabavanych kinaprajektaŭ naŭmysna addaŭ padnačalenym supracoŭnikam ukazańnie, jakoje vidavočna vychodzić za miežy jaho pravoŭ i paŭnamoctvaŭ, pradstaŭlenych jamu pa słužbie, ab uklučeńni ich u tematyčny płan vytvorčaści filmaŭ na 2012-2013 hady».
Nahadajem, što paśla hetaha «złačynstva», u 2012 hodzie, Łukašenka pryznačyŭ Łatušku pasłom u Francyi i pry JUNIESKA. A ŭ 2019 hodzie — dyrektaram Kupałaŭskaha teatra.
U adnosinach da kiraŭnika Narodnaha antykryzisnaha ŭpraŭleńnia Paŭła Łatuški ŭžo raspačatyja inšyja spravy:
• stvareńnie ekstremisckaha farmiravańnia i kiraŭnictva im (č. 1 art. 361-1 Kryminalnaha kodeksa);
• zmova z metaj zachopu dziaržaŭnaj ułady niekanstytucyjnym šlacham (č. 1 art. 357 Kryminalnaha kodeksa);
• zakliki da źviaržeńnia abo źmianieńnia kanstytucyjnaha ładu Respubliki Biełaruś abo da ŭčynieńnia złačynstvaŭ suprać dziaržavy (pa č. 3 art. 361 Kryminalnaha kodeksa);
• zamach na akt teraryzmu (č. 1 art. 14 i č. 3 art. 289 Kryminalnaha kodeksa).
